Ola a todos e grazas por visitarme neste blog. Presentareime: son Alicia, o personaxe creado por Lewis Carroll para a súa novela "Alicia en el país de las maravillas". Da man deste inxenioso escritor vivín unha aventura moi especial, e agora quero servirvos de guía na aventura que ides comezar..."4º de Primaria". Sei que pasaremos ratos agradables e aprenderemos moitas cousas xuntos, así que...mergullémonos neste país marabilloso da escola!

domingo, 27 de febrero de 2011

ESCRIBIMOS E REPRESENTAMOS FRACCIÓNS

Agora que xa sabemos cales son os termos dunha fracción e o que representan, imos afianzar estes conceptos.
Preme na fotografía e poderás escribir e representar fraccións.

POESÍA: Febreiro e a vella

Queres saber o que opina unha vella do mes de febreiro?
E a opinión que ten febreiro do seu irmá marzo?
Esta historia está contada en verso. Preme na fotografía e descúbrea. Serás capaz de aprendela de memoria e recitala?
Imos intentalo. Tamén poderás repasar diminutivos, artigos, posesivos e contraccións.

FRACCIÓNS

Alicia continúa falando coa oruga, quen lle da unha pista para recuperar a súa estatura normal: se come dunha metade da seta pode medrar, sin embargo se come da outra metade seguirá diminuíndo de tamaño.
Sabías que "media seta" ou "a metade da seta" se representa cunha fracción?
Medio ou metade= 1/2
Preme na fotografía e imos aprender algo máis sobre as fraccións.

domingo, 20 de febrero de 2011

TRABALLANDO CON GOOGLE DOCS


Xa sabemos traballar en google docs. Primeiro creamos unha conta de correo electrónico de gmail. Logo abrimos unha carpeta para gardar os traballos de clase e compartímola coa mestra. A mestra envíanos as fichas, gardámolas nesa carpeta e, unha vez que acabamos a tarefa a profe pode corrixila desde a súa conta de gmail.
Se queres ver como o facemos preme no vídeo.

DETERMINANTES POSESIVOS

"Sabemos que a súa nai o quere e ninguén saberá darlle máis amor ca ela.
¡Que alivio!, por fin respiro tranquilo, sentinme moi mal. Vanme levar coa miña nai, pensei que nunca máis a volvería ver."
As palabras marcadas en azul son determinantes posesivos. Imos estudar máis. Preme na fotografía para aprender a súa clasificación e localizalos en frases da novela.

DESCRIBIMOS A NOSA MASCOTA


Cal é a túa mascota? Xa sabedes que durante uns días estivemos preparando as fotografías das nosas mascotas. Agora imos describilas. Atenderemos ós seus rasgos físicos, á súa maneira de ser, explicaremos que comen, cales son os seus costumes... e finalmente como facemos para coidalos e atendelos. Ter unha mascota supón unha gran responsabilidade.
Preme na fotografía e verás unhas pautas para empezar a traballar.

CLASES DE CUADRILÁTEROS

Alicia está observando a unha Oruga que, enriba dunha seta, está fumando unha pipa oriental.
Se premes na fotografía, poderás ver outra pipa diferente, e a súa base está formada por cuadriláteros. Queres saber cantas clases de cuadriláteros hai?
Pois tamén atoparás un esquema cos seus nomes.

LEMBRANDO CONCEPTOS

Alicia está moi pensativa... que a preocupará?
Despois de tantas aventuras... lembrará todo o que aprendeu na escola desde o primeiro trimestre?
Bótalle unha man, preme na fotografía e a pensar con ela.

domingo, 13 de febrero de 2011

RESOLVEMOS PROBLEMAS



Mira o que atopou Alicia no bosque... un cachorro! Pero, quen pesará máis...? Alicia ou o can...? E canto máis?
Estas e outras cuestións poderémolas resolver se prememos na fotografía.

O PERÍMETRO

Alicia conseguiu saír da casa do Coello Branco. Varios animais tiráronlle pedras pola ventá. As pedras convertéronse en pasteliños. Alicia comeu un e comezou a minguar. En canto tivo o tamaño axeitado saiu pola porta correndo e chegou a un tupido bosque.
Imos coller unha ventá e unha porta e calcular o seu perímetro. Preme na fotografía para saber o que é e como se calcula.

CONTRACCIÓNS


"...as señoras saíron da tenda cargadas con paquetes e deixaron a porta aberta mentres que Raquel ordena distraída algunhas cousas que baixou dos estantes. Vou dar un pequeno paseo pola rúa...,"
As palabras que aparecen en verde son contraccións de preposicións con artigos. Preme na fotografía e aprenderás algunhas máis.

CLASIFICAMOS POLÍGONOS

Agora que xa sabemos que os polígonos teñen un nome según o seu número de lados, imos clasificalos.
Se premes no sinal de stop, aparecerán varios debuxos de polígonos. Se non lembras o seu nome copia e memoriza o cadro coa clasificación.

POLISEMIA




Antonio, o pai de Toñito e Raquel, perdeu as chaves e, grazas ó Bebé Máxico poido atopalas. Pero... que chaves eran?
Daste conta que unha palabra pode ter varios significados. Isto chámase polisemia.
Preme na fotografía da esquerda para traballar este concepto.

sábado, 12 de febrero de 2011

CLASES DE POLÍGONOS

Alicia sigue encerrada na habitación da casa do Coello Branco e non sabe aínda como poderá saír.
Parece que alguén arrima unha escada á parede... será para sacala pola ventá...? Subirán ó tellado e baixarán pola chimenea...?
Mentras deixamos que pensen o que poden facer, imos fixarnos nesta ventá. Sabemos que é un polígono, pero... sabes como se chama? Cada polígono ten un nome según o número de lados que o forman.
Preme aquí para aprender algo máis sobre os polígonos

jueves, 10 de febrero de 2011

RESUMINDO O QUE LIMOS DO BEBÉ MÁXICO


Imos ver se comprendiches ben o que levamos lido da novela "O Bebé máxico". De paso, seguiremos practicando cos determinantes demostrativos e coa descrición de persoas.
Preme na fotografía e ...a traballar!

miércoles, 9 de febrero de 2011

PARALELAS E SECANTES

O Coello Branco quixo sacar a Alicia da habitación pola ventá, utilizando unha escada como a da fotografía.
Fíxate nas liñas que compoñen esta escada. Unhas son paralelas e outras secantes. Sabías que hai un tipo de secantes que se chaman perpendiculares?
Preme na fotografía para traballar estes conceptos.

SUCESO SEGURO, POSIBLE E IMPOSIBLE

É seguro que Alicia está na casa do Coello Branco.
É posible que o ruído de cristais rotos fora do invernadoiro.
Que é imposible?
Imos aprender algo máis sobre estes tipos de sucesos. Preme na fotografía.