NAVIDAD PARA PLÁSTICA 1

View more presentations or Upload your own.

GATO DE CHESHIRE E DODO

Así fixemos outros dous personaxes da novela de "Alicia en el País de las Maravillas". Nas clases de Plástica, utilizando distintos materiais e técnicas elaboramos un collage para representar o lago no que Alicia falou co Dodo, e unha marioneta do Gato de Cheshire.

Preme no vídeo para ver o noso traballo.

COELLO BRANCO

En clase de plástica estamos elaborando os personaxes do conto de Alicia.
Queres ver como quedaron os nosos Coellos Brancos?...

Pois preme no vídeo!

LIÑAS RECTAS E CURVAS

O Rato comezou a contar unha "historia longa e con cola", como a da fotografía.

Daste conta que esa cola é unha liña curva?

Preme na fotografía para aprender a diferenciar as liñas rectas das curvas.

A DIVISIÓN

Finalizada a carreira, o Dodo dixo que habería premios para todos. Alicia será a encargada de repartilos. Sabes que premio lle vai tocar a cada un?

Preme na fotografía para averigualo. Lembras que operación vai asociada co reparto?

SUBSTANTIVOS INDIVIDUAIS E COLECTIVOS

Que ves na fotografía?... Efectivamente, un rabaño de ovellas.

A palabra ovella é individual, sen embargo a palabra rabaño é un substantivo colectivo.

Comecemos cun ditado para aclarar estes conceptos.

Preme na fotografía para descubrir máis substantivos individuais e colectivos.

O APALPADOR

Coñeces a este personaxe? É o Apalpador ou Pandegueiro, que nas datas de nadal achega agasallos ós nenos.

Esta figura lendaria galega, é típica da montaña ourensá.

Paréceche que é un ser "doutros mundos"?

Preme na fotografía para averiguar algo máis sobre el, e de paso aproveitaremos para repasar algúns conceptos.

ELEMENTOS DO CÍRCULO E CIRCUNFERENCIA

"Primero marcó la pista para la carrera, en una especie de círculo y luego todos los asistentes se fueron colocando aquí y allá, a lo largo de la pista".

Imos aproveitar esta lectura para estudar con calma os elementos da circunferencia e o círculo.

Preme na fotografía para aprender algo sobre eles.

USAMOS A CALCULADORA

Queres saber para que usamos a calculadora? Bótalle un ollo ó noso traballo.

ACENTUACIÓN DE PALABRAS ESDRÚXULAS

Sabías que as palabras esdrúxulas sempre levan til? É unha regra de acentuación moi doada.

Preme na fotografía e practica cunha morea de palabras esdrúxulas. Elaboraremos frases con elas. Non esquezas poñerlles til.

REFRÁNS DO MES DE SAN MARTIÑO

Desde Santos a Nadal é inverno natural.

Polo San Martiño andan as noces a roliño.

Polo San Mariño mata o teu porquiño.

Preme sobre as noces para traballar o significado destes refráns.

CÍRCULO E CIRCUNFERENCIA

O Rato puxo algo de orde no grupo e fixo que todos os animais e Alicia sentasen ó seu redor. Sabes que figura formaron? ... Un círculo?... Ou unha circunferencia?

Para que non haxa dúbidas imos diferencialas. Preme na fotografía e non esquezas coller o compás.

RESOLVEMOS PROBLEMAS CON MULTIPLICACIÓNS DE DÚAS CIFRAS

´

Na orilla había un loro enfurruñado que só decía que tiña razón porque era maior que Alicia. Un loro ten moitas plumas, pero, sabendo aproximadamente as que ten un, poderías calcular as que teñen 34 loros?

Non é tan complicado. Preme na fotografía e imos resolver uns cantos problemas.

MULTIPLICAMOS POR DÚAS CIFRAS

Alicia e o Rato seguen nadando xuntos ata que chegan á orilla. Pero, quen son todos eses animais? Que fan no borde do lago? Imos investigalo e, de paso, que che parece si aprendemos a multiplicar por dúas cifras?

Preme na fotografía e... a multiplicar!

IMOS UTILIZAR A BÁSCULA

Aproveitando que estamos no tempo das castañas, imos utilizalas para facer unhas pesadas. Precisaremos básculas e pesas. Traballaremos en equipo para axudarnos e iremos anotando os resultados que obteñamos. Pero antes de nada, deberemos saber que é o que hai que facer. Así que, prema na fotografía e... averigua.

multiplicamos con jclic

E seguimos practicando a multiplicación e resolvendo pequenos problemas coas actividades de jclic. Bótalle un ollo a isto.

MAGOSTO 2010

O martes 16 de novembro celebramos o magosto na escola. Unha vez rematada a hora de ler saímos xogar. Os mestres preparáronnos moitos xogos tradicionais: a corda, a mariola, o pano, carreiras de sacos, o trompo, as canicas, o tres en raia, a goma, os bolos... e ó remate sentámonos todos a comer castañas con leite.

REMATANDO A LENDA DO REI CINTOLO

Gustaríache saber como remata a lenda? Pois preme na cova e ...adiante. Coidado!!! Vai despacio, non che vaia pasar como outros que entraron e... aínda non saíron.

Que segredo gardará esa cova?

O TIL NAS PALABRAS GRAVES

Introduciuse pola cova pero tan só viu algunhas estrañas columnas, correntes de auga, serpes e curuxas...

Quen cres que se introduciu na cova? E...onde estaba esa cova?

Preme na fotografía para saber algo máis desta lenda. Por certo! hoxe aprenderemos a poñer til nas palabras graves e repasaremos os sufixos.

PROPIEDADES DA MULTIPLICACIÓN

"¿Te gustan los gatos?"

A pregunta non tería importancia se non fose que Alicia facíalla a un rato. Ti cres que a un rato pódelle caer ben un gato? Poñámonos no lugar do rato e opinemos.

Por certo... cantas patas ten un gato? ...E 25 gatos xuntos?

Preme na fotografía. Seguiremos repasando as táboas de multiplicar e aprenderemos algunhas propiedades da multiplicación.

ASÍ TRABALLAMOS NA AULA

Despois de facer as actividades individualmente, correxímolas na pizarra para contrastar os resultados. Alberto está facendo unha suma con unidades de tempo:

Raúl está correxindo unha resta con unidades de tempo:

E Dani subliña os datos dun problema para facer os cálculos precisos e darlle resposta:

NA AULA DE INFORMÁTICA

O venres 3 de novembro fomos á aula de informática para repasar as táboas de multiplicar con actividades de jclic. Compartimos os ordenadores por parellas. Foi un traballo colaborativo en pequeno grupo. Non se trataba de ser o primeiro, senón de axudarnos para conseguir entre dous a resolución das cuestións que nos propoñían. E non o fixemos de todo mal. Preme no vídeo e disfruta da nosa experiencia.

RESOLVEMOS PROBLEMAS

Alicia sigue feita un lío con tanto que aumenta e diminúe de tamaño. Non só esqueceu a táboa de multiplicar, senón que tampouco lembra como resolver problemas. Bótaslle unha man? Preme na fotografía e adiante.

TAMÉN REPASAMOS GALEGO

O poderoso rei Tuba de Oretón chegou á vila de Bría e quería ser recibido para tratar a súa voda coa princesa Manfada.

Quen é este personaxe que quere casar coa princesa? Paréceche amigable? Estará realmente namorado dela? E Manfada del?

Preme na fotografía para saber algo máis sobre a lenda do Rei Cintolo, e de paso, continuaremos estudando a acentuación das palabras agudas.

REPASANDO PARA A AVALIACIÓN

"En ese momento oyó cerca un chapoteo en el agua y se acercó a nado para averiguar qué era... se trataba de un ratón que había resbalado como ella."

Alicia e o rato están nadando no mar de bágoas. Sabes cantos cm avanzan con cada brazada?

Serías capaz de transformar os hl de auga que hai na sala en litros?

Preme na fotografía para repasar o que traballamos nas últimas semanas.

UN CREBACABEZAS DE SÍLABAS

Que che parece se facemos un xogo coas sílabas? Atréveste a formar palabras con distintas sílabas e a ordenalas alfabeticamente?

É doado. Fíxate ben, le con calma e entende os enunciados. Cando esteas seguro do que hai que facer... comeza!

Preme na palabra sílabas e vai sumando puntos no marcador.

XOGANDO COA MULTIPLICACIÓN

Alicia está preocupada porque esqueceu as táboas de multiplicar.

Por que non lle axudamos entre todos a repasalas? Farémolo como se fose un xogo.

Preme na fotografía e... practica!!

SEGUIMOS COAS TÁBOAS DE MULTIPLICAR

Alicia multiplica a súa estatura... logo diminúe cando pon as luvas que deixa caer o Coello Branco...

Por certo, cantas luvas hai nun par?... E en 83 pares?

Cantos dedos ten unha luva?... Cantos dedos haberá en 137 luvas?

Para resolver estes e outros cálculos, preme na fotografía.

MULTIPLICAMOS

"Alicia recogió el abanico y los guantes y se puso a pensar que todo lo que estaba pasando era muy enrevesado. "A ver si se todas las cosas que sabía antes. Veamos: cuatro por cinco, doce, y cuatro por seis, trece, y cuatro por siete..."

Será mellor que repasemos con Alicia a táboa de multiplicar. Preme na fotografía e... a facer cálculos!

AS PALABRAS AGUDAS

A maioría dos pretendentes de Manfada eran rudos e afeitos a batallar e gañaron as súas posicións grazas ás guerras, traizóns e asasinatos...

Hoxe aprenderás algo máis sobre a Lenda do Rei Cintolo e tamén saberás por que levan til algunhas palabras agudas.

Preme na fotografía e poderás facer a tarefa de hoxe.

LENDA DO REI CINTOLO

Esta é outra lenda galega moi coñecida: A Lenda do Rei Cintolo.

Nela fálase dunha cova encantada que está preto de Mondoñedo.

Queres coñecela?...Preme na fotografía.

UNIDADES DE CAPACIDADE

Alicia choraba litros e litros de bágoas... como se fixera tan grande, agora non cabía pola porta de 40 cm de alto.

Imos ler con calma e fixádevos ben en todas as unidades de medida que aparecen, xa que todas non son de capacidade.

Repasamos as que xa sabemos?

Preme na fotografía e adiante!

UNHA MÁIS DE SÍLABAS TÓNICAS

"A castaña que está no camiño, é do veciño"

Coñecías este refrán?
Imos pensar no que nos quere transmitir. Dialogaremos un ratiño sobre iso e logo, premendo na fotografía, atoparemos actividades para seguir practicando coas palabras agudas, graves e esdrúxulas. Ademais, poderás inventar refráns.

PALABRAS AGUDAS, GRAVES E ESDRÚXULAS

"Alto, alto cabaleiro, dalle a risa e cáelle o diñeiro"

Quen será ese cabaleiro que ó rir caeulle o diñeiro?...

Preme na fotografía. Ademais de averiguar a solución desta adiviña, podes aprender a clasificar as palabras en agudas, graves e esdrúxulas.

INVENTAMOS UNHA LENDA

Se che dou algunha pista...e un par de personaxes...

....atreveríaste a inventar unha lenda?

Preme na fotografía e... adiante. Cando estean listas publicarémolas neste blog.

PRACTICANDO COA BÁSCULA

Hoxe organizarémonos en grupos para facer pesadas con castañas.

Precisaremos unha báscula para cada grupo e pesas. Na libreta iremos facendo as anotacións necesarias.

Preme na fotografía para saber o que hai que facer.

RESOLVEMOS PROBLEMAS CON UNIDADES DE PESO

Alicia preparou estas dúas cestas de froita. Se che digo exactamente cantos gramos de peras, mazás e uvas hai en cada unha, saberías decirme que cesta pesa máis?

Preme na cesta da esquerda e...adiviña.

O PESO

"Poco después descubrió una cajita de cristal que había bajo la mesa: la abrió y halló en ella un minúsculo pastelillo sobre el que se leía la palabra "CÓMEME"."

Canto pesaría ese trociño de pastel que atopou Alicia na caixa?... E os ingredientes que se utilizaron para facelo?

Canto poden pesar 6 pasteis como este?

Para averigualo, preme na fotografía.

ORDENAMOS MEDIDAS DE LONXITUDE

Despois de beber, Alicia comezou a plegarse como un telescopio e chegou a medir 25 cm. A porta que debía atravesar medía 4 dm e o Coello Branco 300 mm. Poderías decir cal destas lonxitudes é a maior? E a menor? Saberías ordenalas?

Preme na fotografía para averiguar como se fai.

PROBLEMAS CON MEDIDAS DE LONXITUDE

Neste plano aparece situada a casa de Alicia, a entrada do tobo e a sala na que caeu dentro da gorida.

Fíxate que tamén están as distancias entre cada punto.

Saberías calcular a distancia en metros desde a casa de Alicia ata a sala da gorida?

Resolve esta e outras actividades premendo na fotografía.

AS SÍLABAS

Continuaremos traballando coa lenda da Buserana. Esta vez imos copiar unha oración e separar as súas palabras en sílabas. Buscaremos a sílaba tónica de cada palabra e clasificaremos as palabras segundo o número de sílabas.

Preme na fotografía para realizar o traballo de hoxe.

APRENDENDO COA LENDA DA BUSERANA

Retomemos a lenda de Florinda e Buserán. Primeiro faremos un ditado para refrescar a memoria e logo analizaremos algúns substantivos, clasificarémolos e separarémolos en sílabas.

Por certo... lembras como se chama a sílaba que soa máis forte dentro dunha palabra?

Preme na fotografía do trobeiro e verás as actividades de hoxe.

TRANSFORMAMOS UNIDADES DE LONXITUDE

"Alicia abrió la puerta y descubrió que conducía a un estrecho pasadizo..."

Como de estreito? Cantos cm medía?... Saberías expresar esa medida en mm?

E o longo do corredor?...

Preme na fotografía e... a medir e calcular!

LENDA DA BUSERANA

Coñeces este lugar do concello de Muxía?

É a Furna da Buserana, unha cova natural a rentes do mar. Sobre ela hai unha lenda moi fermosa que explica a procedencia do seu nome: "Buserana".

Preme na fotografía para coñecer a historia.

REFORZANDO GALEGO

Imos darlle un repasiño ós conceptos que levamos estudados desde que comezamos o curso: a clasificación dos substantivos, prefixación e sufixación, os aumentativos, diminutivos e despectivos, os sinónimos e contrarios...sen esquecer, por suposto, a importancia das normas e a riqueza dos nosos ditos populares e refráns.

Preme na fotografía e... mans á obra!

SINÓNIMOS E CONTRARIOS

Que tenta explicarnos este personaxe? Pois que arriba e abaixo son palabras contrarias.

E... que serán os sinónimos?...

Preme na fotografía e poderás averigualo.

A LONXITUDE

"...descubrió una cortina baja que no había notado antes, y detrás había unha puertecita de unos cuarenta centímetros de altura."

Aquí está a curiosa de Alicia buscando unha porta para saír da sala na que apareceu despois de caer no tobo. Ti sabes canto son 40 cm? E... atreveríaste a expresar esa lonxitude noutra unidade?

Coñeces as unidades de lonxitude? Preme na fotografía e imos darlles un repaso.

REPASAMOS

Lembras o que aprendimos desde principio de curso?

Puf! Como pasa o tempo!

-Os séculos

-As décadas

-Os anos

-Os meses

-As semanas

-Os días

-As horas

-Os minutos

-Os segundos

Preme na fotografía para repasar todos estes conceptos